„რუსთავი 2“-ის გათიშვა შეაფერხებს ქვეყნის სვლას ევროატლანტიკურ სტრუქტურებში

„რუსთავი 2“-ის გათიშვა შეაფერხებს ქვეყნის სვლას ევროატლანტიკურ სტრუქტურებში - ქარდავა

პოლიტიკა - 12:17, 19 Oct, 2015

1373

საქალაქო სასამართლოსთან "რუსთავი 2"-ის მხარდასაჭერად „ეროვნულ-დემოკრატიული პარტიის“ ლიდერი ბაჩუკი ქარდავაც იმყოფება.

როგორც ქარდავამ „ნიუპოსტთან“ საუბარში განაცხადა, „რუსთავი 2“-ის გათიშვა შეაფერხებს ქვეყნის სვლას ევროატლანტიკურ სტრუქტურებში.

„ის ქვეყანა, სადაც არსებობს იმის სურვილი, რომ დამოუკიდებელი, თუნდაც კრიტიკული და ხელისუფლებისთვის მიუღებელი მედია სხვადასხვა გზით გააჩერონ, შორს დგას დასავლური ღირებულებებისგან. დღეს მოსამართლემ უნდა მიიღოს ობიექტური გადაწყვეტილება. „რუსთავი 2“-ის გათიშვა შეაფერხებს ქვეყნის სვლას ევროატლანტიკურ სტრუქტურებში“, - განაცხადა ქარდავამ.

საქალაქო სასამართლოში "რუსთავი 2"-ის საქმეზე სასამართლო პროცესი ცოტა ხნის წინ განახლდა. პროცესზე მოსამართლე თამაზ ურთმელიძის დედასთან დაკავშირებით "რუსთავი 2"-ის ეთერში გასულ სიუჟეტს აჩვენებენ. ვიდეომასალის წარდგენის შემდეგ დაცვის მხარე მოსამართლის აცილების შეუამდგომლობას დააყენებს. როგორც ცნობილია მოსამართლე ურთმელიძემ საქმიდან თვითაცილებაზე უარი განაცხადა.