"ივანიშვილის ხელისუფლების დასასრულის დასაწყისი"- ელისო კილაძე "რ2"-ის სასამართლო პროცესზე

პოლიტიკა - 12:03, 19 Oct, 2015

5997

საქალაქო სასამართლოს ეზოში, „რუსთავი2“-ის მხარდამჭერთა აქციაზე გაზეთ „ქრონიკა+“-ის რედაქტორი ელისო კილაძეც იმყოფება. კილაძის თქმით ის აქციაზე, „რუსთავი2“-ის და ზოგადად თავისუფალი სიტყვის მხარდასაჭერად მივიდა.

„ხელისუფლება მოსამართლე თამაზ ურთმელიძის ხელით ებრძვიოს მედიას, რუსთავი2“ გამონაკლისი არაა, ყველა გაზეთს საქმე წააგებინა ურთმელიძემ. თუ დღეს გაუვათ "რუსთავი 2"-თან ხვალ გაუვათ ყველა იმ მედიასაშუალებასთან, რომელიც ივანიშვილს ნერვებს უშლის და ხელისუფლების ნაკლოვანებებს ააშკარავებს. მე მინდა გავაფრთხილო ჩემი მეგობრები „ქართული ოცნებიდან“, სააკაშვილის იმიჯის დემონტაჟი დაიწყო იმედის დარბევის მერე, ივანიშვილის ხელისუფლების დასასრულის დასაწყისი დაიწყება "რუსთავი 2“-ის წინააღმდეგ ძალისმიერი ან თუნდაც ე.წ სამართლებრივი მექანიზმების ამოქმედების შემდეგ. ივანიშვილს და ღარიბაშვილს ამ ქმედებებს არავინ არ გაუპრავებს უცხოეთში, რადგან დამოუკიდებელი მედია ბოლო 20 წლის განმავლოიბაში ერთადერთი მონაპოვარია. მე მოვუწოდებ ხელისუფლებას შეწყვიტოს მედიის წინააღმდეგ ეს მასკარადი. ურთმელიძე არაა მოსამართლე, ისაა მედიაზონდერი“- განაცხადა ელისო კილაძემ.