დღეს სასწორზე ქართული დემოკრატია და მედიის თავისუფლება დევს

დღეს სასწორზე ქართული დემოკრატია და მედიის თავისუფლება დევს - გვარამია

პოლიტიკა - 10:51, 19 Oct, 2015

1928

ტელეკომპანია „რუსთავი 2“-ის გენერალური დირექტორის ნიკა გვვარამიას თქმთ, დღეს ქართული დემოკრატიისა და მედიის თავისუფლებისთვის გადამწყვეტი დღეა.

ამის შესახებ გვარამიამ „ნიუპოსტს“ საქალაქო სასამართლოში განუცხადა, სადაც „რუსთავი 2“-ის წინააღმდეგ მიმდინარე საქმეზე პროცესი უნდა გაიმართოს.

„მოსამართლე ურთმელიძე სახლში უნდა წავიდეს. ის არის მიკერძოებული და მან საქმის აცილება უნდა მოახდინოს. ჩვენ მოვითხოვთ, რომ ეს რეზონანსული საქმე სამი მოსამართლისგან შემდგარმა კოლეგიამ განიხილოს. ისინი ნაკლებად მოწყვლადი იქნებიან. რაც შეეხება დღევანდელ პროცესს, ეს არ არის რომელიმე კერძო კომპანიის დავა. დღეს სასწორზე ქართული დემოკრატია და მედიის თავისუფლება დევს“, - განაცხადა გვარამიამ.

საქალაქო სასამართლოსთან "რუსთავი 2"-ის მხარდამჭერები არიან შეკრებილი. დღეს გაირკვევა მოხდება თუ არა საქმიდან მოსამართლე თამაზ ურთმელიძის აცილება.

საქალაქო სასამართლოსთან "რუსთავი 2"-ის მხარდამჭერების სიუხვე შეინიშნება. სასამართლოსთან შეკრებილი მოქალაქეების აზრით, ხელისუფლება "რუსთავი 2"-თან ბრძოლით პროდასავლურ ღირებულებებს უპირისპირდება.