„პატრიოტთა ალიანსის“ ლიდერი ირმა ინაშვილი NDI-ის კვლევის შედეგებს „მორიგ კომედიას“ უწოდებს.

ამის შესახებ ინაშვილმა ჟურნალისტებთან საუბრისას განაცხადა.

„ეს არის მორიგი კომედია, რასაც ველოდით NDI-სგან. NDI-ის მხირდან მიდის მცდელობა, რომ გააცოცხლონ „ნაციონალური მოძრაობა“. ეს არის მორიგი სიცრუე. NDI თვითონ ნახავს რა დონეზე ენდობა მას ქართველი ხალხი“, - აცხადებს ინაშვილი.

NDI-ის გამოკითხვის მიხედვით, ხვალ რომ საპარლამენტო არჩევნები იყოს 11% მხარს „ქართულ ოცნებას“ დაუჭერდა, 13% კი „ნაციონალურ მოძრაობას“.

14% ამბობს, რომ მხარს არც ერთ პარტიას არ დაუჭერდა. 35%-ის კითხვაზე პასუხი არ აქვს.

4% მხარს „თავისუფალ დემოკრატებს“ დაუჭერდა, ასევე 4% ამბობს, რომ არჩევნებში ხმას მისცემდა „პატრიოტთა ალიანსს“, „ლეიბორისტულ პარტიას“ მხარს 3% დაუჭერდა.