„დემოკრატიული მოძრაობის" წევრი გიორგი ახვლედიანი NDI-ის კვლევის შედეგებს უნდობლობას უცხადებს.

მისი თქმით, დღევანდელი შედეგები საზოგადოების შეურაცხყოფაა.

„NDI-ის ერთადერთი მისია, რაც დარჩა საქართველოში ეს არის, ყველაფერი გააკეთოს იმისთვის, რომ „ნაციონალური მოძრაობა“ დააბრუნოს ხელისუფლებაში. როგორც შეერთებულ შტატებში ძალიან სერიოზული ლობი, მათ შორის NDI მუშაობენ მხოლოდ ამაზე. მივიღეთ ის სიტუაცია, რომ თურმე „ნაციონალური მოძრაობა“ პირველ ადგილზეა. ეს არის შეურაცხყოფა ქართველი ერის. დროა ვიფიქროთ იმაზე, რომ უცხო ქვეყნის კვლევით ორგანიზაციებს ესეთი მონოპოლია აღარ ჰქონდეთ“, - განაცხადა ახვლედიანმა.

NDI-ის გამოკითხვის მიხედვით, ხვალ რომ საპარლამენტო არჩევნები იყოს 11% მხარს „ქართულ ოცნებას“ დაუჭერდა, 13% კი „ნაციონალურ მოძრაობას“.

14% ამბობს, რომ მხარს არც ერთ პარტიას არ დაუჭერდა. 35%-ის კითხვაზე პასუხი არ აქვს.

4% მხარს „თავისუფალ დემოკრატებს“ დაუჭერდა, ასევე 4% ამბობს, რომ არჩევნებში ხმას მისცემდა „პატრიოტთა ალიანსს“, „ლეიბორისტულ პარტიას“ მხარს 3% დაუჭერდა.