ამასთან, "ბარსელონას" შანსები განმეორებით შეხვედრაში უფო მცირე იყო, ვიდრე "გალათასარაის": პირველმა ორი კვირის წინ მილანში 0:2 წააგო, ხოლო მეორემ საკუთარ მოედანზე ფრედ, 1:1 ითამაშა "შალკესთან".

ფეხბურთის მოყვარულები ორივე მატჩის განმავლობაში ლამაზი, დაძაბული, უხვგოლიანი თამაშების მომსწრენი გახდნენ. საბოლოოდ, "ბარსელონამ" შინ 4:0 დაამარცხა "მილანი" და არათუ ორბურთიანი სხვაობა გააქარწყლა, არამედ თავად მოიგო შეხვედრათა ჯამი ორი ბურთის უპირატესობით, ხოლო "გალათასარაიმ", ყველასთვის მოულოდნელად, გამარჯვება "შალკესთან" გასვლაზე მოიპოვა: 3:2.