ეროვნულ-დემოკრატიული ინსტიტუტის (NDI) საქართველოს ოფისის დირექტორის ინფორმაციით, გამოკითხვის მიხედვით მოსახლეობაში ევროკავშირის მხარდამჭერთა რიცხვმა იკლო, ევრაზიის მხარდამჭერთა რაოდენობამ კი მოიმატა.

მისი თქმით, ასევე დაკლებულია იმ ადამიანების რაოდენობა, ვინც ევროატლანტიკურ და ევროპული კავშირისგან რეალურ სარგებელსა და ბენეფიტებს ხედავენ.

„საგარეო პოლიტიკის ყველაზე მთავარი მიგნება არის ის, რომ ოდნავი კლება შეინიშნება ევროკავშირის მხარდაჭერაში და მოსახლეობა განიხილავს ორივე კავშირის - ევრაზიისა და ევროკავშირის სარგებელს და ეს სარგებელი მთლიანად არის ეკონომიკური და არა არის პოლიტიკური. რესპოდენტების 12%-მა ისიც კი განაცხადა, რომ ორივეს დაუჭერდა მხარს. ასევე ოდნავ არის დაკლებული იმ ადამიანების რაოდენობა, ვინც ევროატლანტიკურ და ევროპული კავშირისგან რეალურ სარგებელსა და ბენეფიტებს ხედავენ. ოდნავ გაზრდილი არის იმ ადამიანების რაოდენობა, ვინც ამბობს, საქართველოსთვის რუსეთთან ურთიერთობა უფრო სარგებლიანი იქნება“, - ამბობს ლორა ტორნტონი.