"ტაბულს" დირექტორი თამარ ჩერგოლეიშვილი გათავისუფლების შემდეგ სახალისო პოსტს აქვეყნებს. პოსტში ჩერგოლეიშვილი წერს, თუ რა რეაქცია ჰქონდათ მშობლებს მის დაკავებაზე.

"მამაჩემს ვურეკავ ლექსოს ტელეფონიდან საგამოძიებოდან რომ გამოვედი - ჰო ტელეფონი დამიჯდა, მშვიდობა მაქვს.

მამა: გქონდეს მერე.

მე: ააა ტელევიზორი არ ჩაგირთავს?

მამა: არა, ვმუშაობ.

მე: ა, ხო დამიჭირეს და გამიშვეს, ახლა სასამართლოში ვარ. ბიძინას კარიკატურა ქალაქს ამახინჯებსო.

მამა: იგუდება სიცილით.

დავტენე ტელეფონი, სამი საათის შემდეგ ვურეკავ დედაჩემს.

მე: რას შვები?

ის: შენ რას შვები?

მე: ცოტა ხანში სახლში წავალ.

ის: ჰო, მე რომ გავიგე დაგიჭირეს, მაგრად გამეცინა.

მოკლედ, მშობლებმა იცინეს", - წერს ჩერგოლეიშვილი.