იუსტიციის მინისტრი ჰააგის სისხლის სამართლის საერთაშორისო სასამართლოს პროკურორთან შეხვედრის დეტალებზე საუბრობს.

როგორც წულუკიანმა განაცხადა, მან ფატუ ბენსუდას შეახსენა, რომ საქართველოს ოკუპაცია ამ დრომდე გრძელდება.

„რაც ყველაზე მნიშვნელოვანია, მე მას ვაცნობე, რომ შუამდგომლობაში რუსეთის როლი სათანოდოდ არ არის წარმოდგენილი. რუსეთის, რომელიც თავს დაგვესხა. შევახსენე, რომ ოკუპაცია არ დასრულებულა, ოკუპაცია მიმდინარეობს", - აღნიშნა წულუკიანმა.

წულუკიანის თქმით, რუსეთის როლთან დაკავშირებით პროკურორის შუამდგომლობა ეყრნობა მხოლოდ სამართლებრივ ფაქტებს და იმ ინფორმაციას, რა ინფორმაციაც მის ხელთ იყო.

„თუმცა ჰააგის სასამართლო მზად იქნება, რომ ქართული მხარის მიერ მიწოდებული ყველა ინფორმაციას იმასთან დაკავშირებით, თუ როგორ მართავდა რუსეთი ყველა ოსურ დანაყოფს და რომ სინამდვილეში ეს არ იყო ქართულ-ოსური დაპირისპირება და ეს იყო ომი საქართველოსა და რუსეთს შორის, როდესაც რუსეთმა აგრესია განახორიცელა ჩვენზე. ეს მიმართულება პროკურორის მოთხოვნაში, სადაც ის ამბობს, რომ ოსურ ჯარში, საჯარო სამსაუხრში ყველგან რუსი საჯარო მოხელეები იყვნენ, მაგრამ ჩვენ მას ვუთხარით, რომ ამ მიმართულებას გაძლიერება სჭირდება და რუსეთის როლი ამ კონფლიქტში მინიმიზებული არ უნდა იყოს“, - განაცხადა წულუკიანმა.