ჰააგის სისხლის სამართლის საერთაშორისო სასამართლოს პროკურორის ფატუ ბენსუდას განცხადებით, ნებისმიერი დანაშაული, რომელიც შესაძლოა საქართველოს ტერიტორიაზე იქნა ჩადენილი, ჰააგის სასამართლოს იურისდიქციის ქვეშ მოხვდება.

ამის შესახებ ბენსუდამ იუსტიციის მინისტრთან და მთავრ პროკურორთან შეხვედრის შემდეგ განაცხადა.

„მე მხოლოდ მაშინ დავიწყებ გამოძიებას, როდესაც მოსამართლეები მომანიჭებენ უფლებამოსილებას. ეს მხოლოდ ჩემი მიმართვა იყო და მჭირდება სამი მოსამართლის მხარდაჭერა. ჩვენ ვიცავთ რომის სტატუტს. საქართველო რომის სტატუტის მონაწილე ქვეყანაა და შესაბამისად, ნებისმიერ დანაშაულზე, რომელიც ჩადენილია საქართველოს ტერიტორიაზე ჩვენ გვექნება იურისდიქცია დავიწყოთ კვლევა. მნიშვნელობა არ აქვს რომელ ეროვნებას მიეკუთვნება იგი“, - განაცხადა ბენსუდამ.

დღესვე ჰააგის სასამართლოს პროკურორი არასამთავრობო სექტორის წარმომადგენლებს შეხვდება. დღის ბოლოს იგი იგი პრესკონფერენციას გამართავს, სადაც ჟურნალისტების შეკითხვებს უპასუხებს.