საპარლამენტო უმცირესობის ერთ-ერთი ლიდერი პეტრე ცისკარიშვილი თვლის, რომ საერთაშორისო საზოგადოებამ ქართულ მედიასივრცეში არსებულ ვითარებას უფრო მეტი ყურადღება უნდა მიაქციოს.

როგორც დეპუტატმა პარლამენტში სიტყვით გამოსვლისას აღნიშნა, ოპოზიცია სახზღვარგარეთ ხშირად საუბრობს ქვეყანაში მიმდინარე პროცესებზე.

"ჩვენი პარტნიორებისთვის ინფორმაციის მიწოდებაზე ამბობთ რომ გაბეზღბთ. დაბეზღებაში კი არ არის პრობლემა, პრობლემა ვითარებაშია, რაც თქვენ საქართველოში შექმენით.

თუ თქვენ თვლით, რომ ცივილიზებული სამყაროს ნაწილი უნდა გავხდეთ მაშინ თქვენვე
უნდა ცდილობდეთ, რომ მიმდინარე პროცესებზე მათ ინფორმაცია მიაწოდოთ.

თუ არჩევანს რუსეთის ბნელ სამყაროზე ვაკეთებთ და გვინდა ამ იმპერიის ერთი გუბერნია გავხდეთ, ჩვენ უნდა ჩავიკეტოთ და სიბნელეში უნდა ვიცხოვროთ. ამ გადმოსახედიდან ეს მართლაც დაბეზღებაა,"- განაცხადა პეტრე ცისკარიშვილმა.