მთავრობის წევრების თქმთ, აბრეშუმის გზის ფორუმი ქვეყნისთვის მნიშვნელოვანია. როგორც ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა, დავით ბაქრაძემ განაცხადა, ეს ღონისძიება კიდევ ერთხელ ხაზს უსვამს საქართველოს გეოსტრატეგიულ მნიშვნელობას.

„ეს ღონისძიება კიდევ ერთხელ ხაზს უსვამს საქართველოს გეოსტრატეგიულ მნიშვნელობას. ეს ხსნის შესაძლებლობებს ჩვენი ევროპელი, ამერიკელი და ჩინელი პარტნიორებისთვის. ზოგადად, აბრეშუმის გზა და სტაბილურობა ამ გზაზე, სტაბილურობა საქართველოში მნიშვნელოვანი ამ პროექტში ჩართული ყველა მხარისთვის“, - განაცხადა ბაქრაძემ.

ჯანდაცვის მინისტრი მიიჩნევს, რომ ფორუმი შრომის და ჯანდაცვის მიმართულებით ახალი პროექტების დაწყების შესაძლებლობას იძლევა.

„ვფიქრობ, რომ სოციალური და ჯანდაცვის პოლიტიკაში, ისევე როგორც შრომის მიმართულებით, ჩვენ გვექნება საშუალება, ახალი პროექტები დავიწყოთ", - განაცხადა დავით სერგეენკომ.

აბრეშუმის ფორუმის მნიშვნელობაზე საუბრობს დევნილთა მინისტრიც.

„აბრეშუმის ფორუმი აჩენს ძალიან დიდ შესაძლებობებს ვაჭრობის, ეკონომიკის განვითარებისთვის და იმისთვის, რომ საქართველო გახდეს დამაკავშირებელი ჰაბი აღმოსავლეთსა და დასავლეთს შორის", - განაცხადა სოზარ სუბარმა.