მძიმე ეკონომიკური და სოციალური პრობლემები აწუხებთ იოსელიანების პენსიონერ ოჯახს. ცოლ-ქმარი ამბობს, რომ ეკონომიურ კრიზისისა და ფასების ინფლაციის გამო, მათი ხარჯი გაიზარდა და პრობლემებს ვერ უმკლავდებიან.

როგორც ისინი ნიკა მელიასთან საუბარში ამბობენ, საკვებისა და მედიკამენტების შეძენას ვერ ახერხებენ. სოციალურმა სააგენტომ კი, მათ ქულები ისე გაუზარდა,რომ სოციალური აგენტი არც კი მისულა შესამოწმებლად.

"ნაცონალური მოძრაობის" ერთ-ერთი ლიდერი ნიკა მელია აცხადებს, რომ მთავრობამ უარი უნდა თქვას ფუფნებაზე, პრემიებსა და დანამატებზე და 2016 წლის ბიუჯეტში პენსია 50 ლარით გაზარდოს.