იუსტიციის მინისტრი მზად არის ახალი მთავარი პროკურორის არჩევის მიზნით კონსულტაციები დაიწყოს.

ამის შესახებ თეა წულუკიანმა მთავრობის სხდომის დაწყებამდე განაცხადა.

იგი მოუწოდებს აკადემიურ წრეებს და დაინტერესებულ პირებს, რომ კონსულტაციებში მონაწილეობა მიიღონ.

"პროკურატურის შესახებ" კანონში შეტანილი ცვლილებების შესაბამისად, საქართველოს იუსტიციის მინისტრი იწყებს კონსულტაციებს მთავარი პროკურორის პოზიციაზე კანდიდატების შესარჩევად. იუსტიციის სამინისტროს და იუსტიციის მინისტრის კარი ღიაა ყველასთვის, ვისაც აქვს ამ თემაზე მოსაზრება. ერთადერთი მოთხოვნა იქნებოდა ის, რომ წარმოდგენილი კანდიდატი უნდა აკმაყოფილებდეს კანონით დადგენილ კრიტერიუმებს“, -- განაცხადა წულუკიანმა.