უზენაესი სასამართლოს თავმჯდომარე და მოსამართლეების ნაწილი იუსტიციის მინისტრს და პარლამენტს მიმართავენ.

როგორც ლევან მურუსიძე და მოსამართლეები აცხადებენ, გვენეტაძე საერთო სასამართლოების შესახებ კანონთან დაკავშირებით მათთან შეუთანხმებელ პოზიციებს ახმოვანებს.

მურისიძის თქმით, კანონთან დაკავშირებით მათ აქვთ შენიშვნები, რომელიც სასამართლოს დამოუკიდებლობისთვის არის აუცილებელი. მისი განმარტებით, აღნიშნულ შენიშვნებს უზენაესი სასამართლოს თავმჯდომარე არ იზიარებს.

„ელემენტარულად მოსმენას ვითხოვთ. სასამართლო კორპუსში არის მოსამართლეთა აბსოლუტური უმრავლესობა, რომელიც ამ ცვლილებებს არ ეთანხმება. არ გამოხატავს ქალბატონი ნინო სასამართლოს კორპუსის აბსოლუტური უმრავლესობის პოზიციას“, - განაცხადა ლევან მურუსიძემ.

მოსამართლეების ბრალდებებს ნინო გვენეტაძემ უპასუხა.

„მათ ვერაფერში ვერ შევზღუდავ, შეუძლიათ თავიანთი პრეტენზიები მათ ხმამაღლაც დააყენონ. ბრიფინგიც გამართონ და მინისტრსაც შეხვდნენ. ის ღია შეხვედრები, რომელიც გაიმართა მათთან ერთად, ყველა იმ ცვლილებას და ინოვაციას მოიცავდა, რომელიც არის განხორციელებული კანონპროექტების სახით. კოლეგებმა კარად იცინა, რომ პროექტი არის იუსტიციის სამინისტროს მიერ მომზადებული. ის რაც ცვლილებებით სახით არის გათვალისწინებული, მათ კარგად იციან,“ - განაცხადა ნინო გვენეტაძემ.