"რატომ გამოჩნდა საქართველოს პრემიერი მოულოდნელად ბაქოში"

"რატომ გამოჩნდა საქართველოს პრემიერი მოულოდნელად ბაქოში" - ღარიბაშილის ვიზიტის უცნობი დეტალები

პოლიტიკა - 17:14, 12 Oct, 2015

3626

„რატომ გამოჩნდა საქართველოს პრემიერი მოულოდნელად ბაქოში“ - ამ სათაურით ეხმაურება ირაკლი ღარიბაშვილის ბაქოში ვიზიტს აზერბაიჯანული გამოცემა Haqqin-ი.

გამოცემის თანახმად, 10 ოქტომბერს, ირაკლი ღარიბაშვილის დაუგეგმავ ვიზიტს, ბაქოს აეროპორტში აზერბაიჯანის ენერგეტიკის მინისტრი ნატიკ ალიევი დახვდა. დახვედრის ცერემონიის შემდეგ კი ღარიბაშვილი პრეზიდენტ ილჰამ ალიევთან შესახვედრად გაემართა.

„ღარიბაშვილის ბაქოში ვიზიტი ისეთი მოულოდნელი იყო, რომ ამის შესახებ პრემიერის კანცელარიამ ინფორმაცია მას შემდეგ გაავრცელა, რაც მისი თვითმფრინავი ბაქოში დაეშვა. ქართულმა მედიამაც ამის თაობაზე АзерТАджის განცხადებიდან შეიტყო“- ნათქვამია სტატიაში.

„რეალურად, კი ირაკლი ღარიბაშვილის ბაქოში ვიზიტი სულაც არ იყო მოულოდნელი“ - აღნიშნავს გამოცემა და დასძენს, რომ ბოლო რამდენიმე დღის განმავლობაში, ქართველი ოფიციალური პირების მიერ გაკეთებულმა განცხადებებმა გამოავლინა, რომ საქართველო აზერბაიჯანულ გაზზე დამოკიდებულების შემცირებას აპირებდა. ამ განცხადებების ფონზე კი სავარაუდო იყო, რომ საქართველოსა და აზერბაიჯანს შორის კონტაქტი უმაღლეს დონეზე შედგებოდა.

გამოცემა, ბრიუსელში, საქართველოს ენერგეტიკის მინისტრის, კახა კალაძისა და „გაზპრომის“ ხელმძღვანელის, ალექსეი მილერის შეხვედრას იხსენებს და აღნიშნავს, რომ კალაძემ მეტი რუსული გაზის მიღების სურვილი გამოთქვა.

Haqqin-ი საქართველოს საგრეო საქმეთა მინისტრის მოადგილის, დავით დონდუას განცხადებასაც იხსენებს, იმის თაობაზე, რომ სექტემბერში თბილისში, ირანში მიმდინარე პროცესებზე სასაუბროდ დახურული კონფერენცია გაიმართა.

„ჩვენ განვიხილეთ ამ პროცესთან დაკავშირებული საკითები - როგორ შეუძლიათ მათ საქართველოში მოქმედება, როგორ იმოქმედებებ ენერგეტიკულ უსაფრთხოებაზე რეგიონში. ირანის წინააღმდეგ სანქციების მოხსნამ, შესაძლოა გაზის ტარიფები შეცვალოს, მათ შორის აზერბაიჯანიდან მომავალ გაზზე. ამან შეიძლება გავლენა ჩვენს სატრანზიტო პოტენციალზეც იქონიოს. ირანი მალე გამოვა იზოლაციიდან და ეს იქნება როგორ პოზიტიური, ასევე არაპოზიტიური. ჩვენ კი ამ ყველაფრისთვის მზად უნდა ვიყოთ“ - განაცხადა დონდუამ.

გამოცემის თანახმად, ამ განცხადებით დონდუამ საჯაროდ აღიარა, რომ გაზის დივერსიფიკაციაზე თბილისი და თეიარნი საიდუმლო მოლაპარაკებებს მართავნ და სურთ, საქართველოში გაზის მიწოდების კუთხით „სოკარის“ მონოპოლია დაასრულონ.

„საქმის ამგავრმა ვითარებამ ოფიციალური ბაქო ააფორიაქა. ამიტომ, ირაკლი ღარიბაშვილი ბაქოში მას შემდეგ მიიწვიეს, რაც ირანთან და „გაზპრომთან“ ქართული მხარის საიდუმლო მოლაპარაკებები გასაჯაროვდა.შემთხვევითი არ არის, რომ საქართველოს პრემიერ-მინისტრს აეროპორტში ენერგეტიკის მინისტრი, ნატიკ ალიევი დახვდა“-წერს გამოცემა.

ენერგორესურსების დივერსიფიკაციის მცდელობა სწორი ტაქტიკაა. ასეთი დივესიფიკაციის მიზანი ალტერნატიული წყაროების პოვნა და ენერგიის ნაკლებ ფასად შეძენაა. თუცა, აღსანიშნავია, რომ აზერბაიჯანი გაზს დაბალ ფასად საქართველოსთვის, საკუთარი პოლიტიკური ინტერესებისა და სამეკავშირეო ურთიერთობების გამო ყიდის.

„რამდენად სწორია საქართველოს ხელისუფლების პოლიტიკა ამ შემთხვევაში, როდესაც რუსეთის დახმარებით, რომლთანაც ომის მდგომარეობაში იმყოფება და ირანისთვის სანქციების მოხსნის ლოდინში, აზერბაიჯანზე ზეწოლის მოხდენასა და გაზზე ფასის დაკლებას ცდილობს?

იქნებ, საქმე არც კომერციულ ინტერებსა და არც დივერსიფიკაციაშია? იქნებ რუსეთი საქართველოში ფეხის მოკიდებასა და კასპიის ენერგორესურსების ევროპისკენ მიწოდების ყველა გზაზე კონტროლის დაწესებას ცდილობს?

ნებისმიერ შემთხვევაში, აზერბაიჯანის პრეზიდენტს ყველა საფუძველი გააჩნდა საქართველოს მთავრობის საეჭვო ქცევას აეფორიაქებინა. სავარაუდოდ, ბევრი კითხვაც აქვს „გაზპრომის“ ერთ-ერთ ყველაზე დიდი აქციონერ, ბიძინა ივანიშვილთანაც“ - ნათქვამია სტატიაში.