საგარეო საქმეთა მინისტრის მოადგილე დავით დონდუა ვარაუდობს, რომ დეკემბრის და ივლისის ნატო-ს სამიტებზე საქართველო მაპს MAP-ს ვერ მიიღებს.

ამის შესახებ დონდუამ პარლამენტში ფრაქცია „თავისუფალი დემოკრატების“ შეხვედრაზე გაკეთა.

„სამწუხაროდ უკრაინამ გადაფარა საქართვლოს თემა. როდესაც ყურადღება მახვილდება ჩვენს რეგიონზე, ყოფილ საბჭოთა კავშირზე მთელი ყურადღება არის უკრაინაზე. დიდი ალბათობით რაღაც მნიშვნელოვან ნაბიჯს ინტეგრაციის გზაზე ვერ მივიღებთ. მნიშვნელოვანი ნაბიჯი იგულისხმება MAP-ი. სამაგიეროდ უკვე დეკემბერში ალბათ გამოცხადდება ის, რომ მონტენეგროს მისცემენ უკვე პერსპექტივას გაწევრიანების. მომავალ ზაფხულში, ივლისში არის უკვე ნატო-ს სამიტი, სადაც ჯერ არ ვიცით რას მივიღებთ ამ სამიტიდან. ერთი რამე ვიცით, რომ MAP-ი სავარაუდოდ არ იქნება,“ - ამბობს დავით დონდუა.