"ქართული ოცნებისთვის" თანხის ჩარიცხვის გამო 14 ადამიანი მაღალ თანამდებობებზე დაინიშნა. ამის შესახებ ინფორმაციას "სამართლის თაობა" აქვეყნებს.

„დოკუმენტაციით ირკვევა, რომ მერიასა და გამგეობაში თანამშრომლები არა პროფესიონალიზმისა და კვალიფიკაციის მიხედვით, არამედ პარტიული ინტერესებითა და გარკვეული თანხის გადახდის ხარჯზე ინიშნებიან. აღნიშნული შემოწირულობები ხდება 2013-2014 წლებში, ანუ თვითმმართველობის არჩევნების წინ, შესაბამისად მათ ეს თანამდებობები მიიღეს როგორც ჩანს გარკვეული თანხის გადახდის საფუძველზე“, - განაცხადა "სამართლის თაობის" წარმომადგენელმა თორნიკე ბიკაშვილმა.

პირები, რომლებმაც პარტიისთვის შემოწირულობები გაიღეს კვლევის შედეგებს არ ეთანხმებიან. მაგალითად ნაძალადევისა და ისნის რაიონის გამგებლის მოადგილეები - ნიკოლოზ კანდელაკი და თეიმურაზ ჩოჩუა კურიერთან საუბრისას აღნიშნავენ, რომ ისინი იყვნენ ქართული ოცნების მხარდამჭერები და მათი მხრიდან მსგავსი შემოწირულობების გაკეთება კეთილი ნების გამოხატვა იყო. შემოწირულობებსა და მათ შემდგომ თანამდებობებზე დანიშვნას შორის კი ისინი კავშირს ვერ ხედავენ.

ამავე რაიონიების გამგებლებიც აცხადებენ, რომ მათ კადრები არსებული გამოცდილებით ჰყავთ შერჩეული და არასამათავრობო ორგანიზაციის მიერ დადებული კვლევისგან განსხვავებით რაიმე სახის კავშირს გამორიცხავენ.

წყარო: "რუსთავი 2"