„ნაციონალური მოძრაობისთვის“ გაუგებარია რაში სჭირდება ხელისუფლებას რუსული გაზი.

როგორც პარტიის წევრმა გიორგი კანდელაკმა განაცხადა, სავარაუდოდ რუსულ გაზზე დამოკიდებულების აღდგენა ექსპრემიერთან, ბიძინა ივანიშვილთან კავშირშია.

„გაუგებარია რაში სჭირდება საქართველოს ძვირი და არასტაბილური რუსული გაზი, როცა გვაქვს იაფი და სტაბილური აზერბაიჯანული გაზი, რომელმაც დაგვაძლევინა ენერგოდამოკიდებულება რუსეთზე. უდიდესი ალბათობით ბიძინა ივანიშვილი კვლავაც არის „გაზპრომის“ ყველაზე მსხვილი აქციონერი და რუსულ გაზზე დამოკიდებულების აღდგენას კორუფციული სუნი უდის და შეიცავს პოლიტიკურ საფრთხეს“, - განაცხადა კანდელაკმა.