უმრავლესობის დეპუტატი ანი მიროტაძე არ იზიარებს თანაგუნდელების მოსაზრებებს, რომ „გაზპრომთან“ დაკავშირებით პოლიტიკა და ეკონომიკა ერთმანეთისგან უნდა გაიმიჯნოს.

ამის შესახებ მიროტაძემ ჟურნალისტებთან საუბრისას განაცხადა.

"ქვეყანასთან, რომელიც მტრულად არის განწყობილი და მუდმივად მცოცავ ოკუპაციას აწარმოებს, ვერ გექნება მერე რა მოხდა, არაუშავს პოზიცია, თუნდაც ეკონომიკური მიმართულებით. ზოგადად ძალიან შორს ვარ იმ აზრისგან, რომ პოლიტიკურმა ვითარებამ მთლიანად უნდა გადაწონოს ეკონომიკური მიმართულებები, მაგრამ ეს ის შემთხვევაა, როდესაც ჩვენ საქმე ოკუპანტ ქვეყანასთან გვაქვს“, - განაცხადა ანი მიროტაძემ.

შეგახსენებთ, ცნობილია, რომ კახი კალაძე უახლოეს პერიოდში „გაზპრომის“ წარმომადგენლებთან შეხვედრას აპირებს. როგორც ენერგეტიკის მინისტრმა განაცხადა, „გაზპრომთან“ ურთიერთობა დღეს არ დაწყებულა და ის მომავალშიც გაგრძელდება. კალაძის თქმით,

„თუ კომერციულ კომპანიებს ექნებათ სურვილი და შესაძლებლობა მათ შეუძლიათ ბუნებრივი აირი წამოიღონ რუსეთიდან“, - განაცხადა კალაძემ.