ეკონომიკის მინისტრი დიმიტრი ქუმსიშვილი ენერგეტიკის სამინისტროსა და „გაზპრომის“ ურთიერთობაზე ვრცელი კომენტარისგან თავს იკავებს.

მისი თქმით, ქვეყნისთვის ყოველთვის მნიშვნელოვანია იყოს დივერსიფიკაცია როგორც ექსპორტში, ასევე იმპორტში.

„გაზპრომთან მიმდინარე მოლაპარაკებების შესახებ დეტალებზე კომენტარებს ენერგეტიკის სამინისტრო გააკეთებს. ჩემი მიმართულებით შემიძლია ვთქვა, რომ ქვეყნისთვის ყოველთვის მნიშვნელოვანია იყოს დივერსიფიკაცია როგორც ექსპორტში, ასევე იმპორტში“, - აღნიშნა ქუმრიშვილმა.

კითხვაზე, შესაძლოა თუ არა ეს ურთიერთობა უკავშირდებოდეს ბიძინა ივანიშვილის წილებს "გაზპრომში“, ქუმსიშვილმა განაცხადა, რომ „ეს გამორიცხულია“.