ენერგეტიკის მინისტრი კახი კალაძე ადასტურებს, რომ „გაზპრომის“ წარმომადგენლებთან შეხვედრა იგეგმება, თუმცა კონკრეტულ დროს ვიცე-პრემიერი არ ასახელებს.

რაც შეეხება „გაზპრომთან“ ურთიერთობას, კალაძის თქმით, ეს დღეს არ დაწყებულა და საქართველო ბუნებრივ აირს რუსეთიდან დიდი ხანია იღებს.

„გაზპრომი“ უკვე არის საქართველოში. ჩვენ ვიღებთ ბუნებრივ აირს რუსეთიდან. ეს წლებია ასეა. ვფიქრობ, ეს ურთიერთობები მომავალში გაგრძელდება, რადგან საკუთარი ბუნებრივი აირი არ გვაქვს. ძირითადი მომწოდებელი აზერბაიჯანია, თუმცა ნებისმიერი განვითარებული ქვეყანა ფიქრობს ენერგეტიკული წყაროების დივერსიფიცირებაზე. აქ მხოლოდ დამატებითი მოცულობების რუსეთიდან შემოტანა საუბარი არ არის. აქტიურად ვმუშაობთ ასევე აქტიურად ვმუშაობთ ირანთან მიმართებაში. თუ კომერციულ კომპანიებს ექნებათ სურვილი და შესაძლებლობა მათ შეუძლიათ ბუნებრივი აირი წამოიღონ რუსეთიდან“, - ამბობს კალაძე.