ექსპერტი თორნიკე შარაშენიძე სოციალურ ქსელში საქართველოს მთავრობის და „გაზპრომის“ ურთიერთობის გააქტიურებას ეხმაურება.

შარაშენიძე ენერგეტიკის მინისტრისგან ელოდება არგუმენტებს, თუ რა საჭიროა „გაზპრომიდან“ გაზის მიღება.

„მაშ ასე!

ვერ ვისმენ არგუმენტებს თუ რაში გვჭირდება "გაზპრომისგან" მეტი გაზი.

სამაგიეროდ აქეთ მაქვს კონტრარგუმენტები:

1. რუსული გაზი აზერბაიჯანულზე უფრო იაფი არაა;

2. გაზის დეფიციტი აშკარად არ გვაქვს;

3. "გაზპრომზე" ვინცაა ჩამოკიდებული ყველა მისგან ჩამოხსნას ცდილობს;

4. "გაზპრომმა" როცა ყველაზე მეტად გვიჭირდა მაშინ გაგვიძვირა გაზი;

მოკლედ, გაგრძელება შეიძლება...

როცა ბაქო-თბილისი-ერზერუმის წყალობით "გაზპრომს" ჩამოვეხსენით რუსეთის კვლევითი ინსტიტუტები დანანებით წერდნენ საქართველოზე ზემოქმედების სერიოზული ბერკეტი დავკარგეთო...

ჰოდა, მინდა აგვიხსნას ენერგეტიკის მინისტრმა რაში გვჭირდება რუსული გაზი

(ყოველი შემთხვევისათვის, არგუმენტი "9 წელი" არ მიიღება... არაფერ შუაშია და წესით არ არ უნდა გამოიყენონ, მაგრამ მაინც - რას გაუგებ ზოგიერთს)“, - წერს შარაძენიძე.

შეგახსენებთ, ვრცელდება ინფორმაცია, რომ „გაზპრომის“ და კახი კალაძის შეხვედრა უახლოეს პერიოდში გაიმართება. როგორ ენერგეტიკის მინისტრის მოადგილე ილია ელოშვილი ამბობს, ის მიესალმება თუ "გაზპრომიდან" საქართველოს კომერციულად გამართლებული შემოთავაზება ექნება.