საყოველთაო ჯანდაცვის ბიუჯეტში მხოლოდ ოქტომბრის ფულია დარჩენილი

საყოველთაო ჯანდაცვის ბიუჯეტში მხოლოდ ოქტომბრის ფულია დარჩენილი - ჭიაბერაშვილი

პოლიტიკა - 18:46, 08 Oct, 2015

1242

ერთიანი ნაციონალური მოძრაობის წევრი ზურაბ ჭიაბერაშვილის თქმით ჯანდაცვის სამინისტროს საყოველთაო ჯანდაცვისთვის განსაზღვრული ბიუჯეტი არ ყოფნის და ამის გამო პრობლემები არა მარტო 2015 წლის ბიუჯეტს, არამედ 2016 წლის ბიუჯეტსაც შეექმნება.
ჯანდაცვის ყოფილი მინისტრის თქმით, საყოველთაო ჯანდაცვის ბიუჯეტში მხოლოდ ოქტომბრის ფულია დარჩენილი. ამასთანავე სამინისტროს მილიონობით დავალიანებაა აქვს დაგროვილი საავადმყოფოების მიმართაც:
"470 მილიონიანი წლიური ბიუჯეტი 100 მლნ ლარითაა გასაზრდელი, რომ დღემდე არსებული ხარჯვის ტემპით გააგრძელოს საავადმყოფოების ანაზღაურება ჯანდაცვის სამინისტრო-მ. თუმცა ეს 100 მლნ ვერ ეყოფა იმ დაახლოებით 200 მლნ ლარზე მეტ დავალიანებას, რომელიც სამინისტროს საავადმყოფოების მიმართ დაუგროვდა. დავალიანების ნაწილი მომავალ წელს გადავა და იანვარ-თებერვალშივე "შეჭამს" საყოველთაო ჯანდაცვის პროგრამის მომავალი წლის ბიუჯეტის მნიშვნელოვან პორციას. სამედიცინო სფეროში სულ უფრო მძიმდება მდგომარეობა.ახლა კი მარტივი კითხვა ჯანდაცვის სამინისტროს: როდის აპირებს საქართველოს მთავრობა, პარლამენტს მიღებინოს 2015 წლის ბიუჯეტის ცვლილება, რომ 100 მლნ დაგემატოთ ამ პროგრამაზე?იმას აღარ ვკითხულობ, ეს 100 მლნ საიდან მოგაქვთ. არც იმაზე ვსაუბრობ, რომ სხვა პროგრამებშიც გარღვევა გაქვთ და რამდენიმე ათეული მლნ ლარი ჯანდაცვის სხვა პროგრამებზე გაქვთ დასამატებელი." - განაცხადა ზურაბ ჭიაბერაშვილმა.