ენერგეტიკის მინისტრმა „გაზპრომის“ ხელმძღვანელობასთან კონკურენტულ ფასად რუსეთიდან ბუნებრივი აირის შემოტანაზე იმსჯელა.

ამის შესახებ კახი კალაძემ ჟურნალისტებთან საუბრისას განაცხადა.

„ეს იყო სამუშაო ტიპის შეხვედრა, რომლზეც საუბარი გაიმართა მილსადენით ქვეყანაში ტრანზიტის გაზრდაზე. ჩვენთვისაც პრინციპულად მნიშვნელოვანია, რომ ტრანზიტი იყოს გაზრდილი. შეხვედრაზე საუბარი იყო ასევე იმაზეც, რომ კერძო კომპანიებს მიეცეთ საშუალება, რუსეთიდან ბუნებრივი აირი შემოიტანონ. თუ მოვახერხებთ, რუსეთიდან დამატებითი მოცულობების წამოღებას, ეს ძალიან კარგი იქნება", - განაცხადა კალაძემ.