„ნაციონალურ მოძრაობის“ წევრი გიორგი კანდელაკის შეფასებით, საარჩევნო სისტემის რეფორმასთან დაკავშირებით ALDE-ს განცხადება მეტყველებს იმაზე, რომ საქართველოს მთავრობას მხოლოდ „ევროპის სახალხო პარტია“ არ აკრიტიკებს.

ამის შესახებ კანდელაკმა „ნიუპოსტთან“ საუბრისას განაცხადა.

„ეს განცხადება მეტყველებს იმაზე, რომ ივანიშვილი პირდად არის მოქცეული იზოლაციაში. არა მხოლოდ „ევროპის სახალხო სახალხო პარტია“, არამედ ევროპაში ის პოლიტიკური ოჯახი, რომელთან აფელირებულია „რესპუბლიკური პარტიაც“ აღნიშნავენ, რომ საქართველოში ხდება დემოკრატიის უკუსვლა და დემოკრატიული ინსტიტუების ნგრევა. ასე, რომ არჩევანი, რომელიც ჩვენი საზოგადოების წინაშეა მარტივია - ან ევროპისკენ სვლის გაგრძელება ივანიშვილის გარეშე და ან ივანიშვილთან ერთად უფსკრულში გადაჩეხვა. არასერიოზული საუბარი, რომ მარტო „ევროპის სახალხო პარტია“ აკრიტიკებს ივანიშვილს საფუძველს მოკლებულია. დღევანდელი განცხადებაც ამაზე მეტყველებს. ამ განცხადებას ოთხი წამყვანი ევროპარლამენტარი აწერს ხელს, მათ ბელგიის ყოფილი პრემიერი“, - განაცხადა კანდელაკმა.

ლიბერალებისა და დემოკრატების ალიანსი ევროპისთვის (ALDE) საქართველოს მთავრობას მიმართავს და 2016 წელს დაგეგმილი საპარლამენტო არჩევნებისთვის საარჩევნო სისტემის რეფორმების გატარებისკენ მოუწოდებს.

ALDE პარტნიორი საერთაშორისო საზოაგდოებისადმი ქართული პარტიის თავისუფალი დემოკრატების მიმართვას გამოეხმაურა.