თბილისის მერის ინფორმაციით, სახელმწიფო ელექტროენერგიის გაზრდილ ტარიფთან დაკავშირებით სოციალურად დაუცველებისთვის სუბსიდიას მიმდინარე თვიდან განახორციელებს.

როგორც ნარმანიამ დედაქალაქის მთავრობის სხდომაზე განაცხადა, მოწყვლადი ჯგუფები, რომელთა სარეიტინგო ქულა 70 000-ს არ აღემატება, კორექტირებული ელექტროენერგიის ტარიფის ღირებულებას ოქტომბრიდან მიიღებენ.

"როგორც იცით, ისევე როგორც დედაქალაქში, ასევე საქართველოს რეგიონებში, გაიზარდა ელექტროენერგიაზე ტარიფი. შესაბამისად, მოხდა მისი კორექტირება. ჩვენ მივიღეთ გადაწყვეტილება იმასთან დაკავშირებით, რომ მოწყვლადი ჯგუფები, რომელთა სარეიტინგო ქულა არ აღემატება 70 000-ს ერთეულს, მათ გარდა იმისა, რომ 2015 წლის იანვრიდან კომუნიკალური ვაუჩერის ღირებულება გაუორმაგდათ, ისინი ოქტომბრის თვიდან მიიღებენ ასევე კორექტირებული ელექტროენერგიის ტარიფის ღირებულებას. რაც შეეხება სხვა ჯგუფებს ისინი მიიღებენ სუბსიდიას 20 ლარის ოდენობით. თანხას ისინი თბილისის მთავრობის მიერ დადგენილი წესის საფუძველზე მიიღებენ", - განაცხადა ნარმანიამ.