თბილისის მერი დავით ნარმანია დედაქალაქის მთავრობაში მიმდინარე საკადრო ცვლილებებს ეხმაურება და აღნიშნულთან დაკავშირებით შექმნილ აჟიოტაჟს უსაფუძვლოს უწოდებს.

მისი თქმით, მერიაში არსებული ვაკანტური ადგილები უახლოეს დროში შეივსება.

„მინდა მკაფიოდ დავაფიქსირო, რომ შექმნილი აჟიოტაჟი არის უსაფუძვლო. ჩვენ ყველაფერს ვაკეთებთ და გავაკეთებთ, რომ დედაქალაქის მთავრობა მაქსიმალურად ეფექტიანი და შედეგზე ორიენტირებული იყოს. რაც შეეხება მერიაში არსებულ ვაკანტურ ადგილებს, ისინი მალე შეივსება კვალიფიციური კადრებით. სამ ვაკანსიაზე კონკურსი უკვე გამოცხადდა. ასე, რომ ჩვენ ერთად გავაგრძელებთ იმ მნიშვნელოვანი გამოწვევების დაძლევას, რომელზეც ვმუშაობდით“, - აღნიშნა ნარმანიამ.