აკაკი ბობოხიძემ „ნიუპოსტს“ დაუდასტურა ინფორმაცია, რომ "ერთიანი ნაციონალური მოძრაობა" მთავრობის გადაყენებისა და ვადამდელი საპარლამენტო არჩევნების დანიშვნის მოთხოვნით პოლიტიკურ ძალებთან მოლაპარაკებებს იწყებს.

„2008 წლის შემდეგ ჩვენმა ქვეყანამ ყველაზე დიდი მარცხი განიცადა, როცა ხელისუფლებამ ნულოვანი უგულველყოფა მოახდინა ევროსაბჭოს რეზოლუციაზე, სადაც წერია, რომ ქვეყანაში ადგილი აქვს პოლიტიკურ დევნას. სახეზე გვაქვს ოპოზიციუარად განწყობილი აზრის ჩახშობას. შერჩევითი სამართალი, ყოფილი პრემიერის ფორსირებული შეტყევა ყველაზე რეიტინგულ არხზე, ეს ნიშნავს იმას რომ საქართველოს ხელისუფლება ნებისმიერ ფასად ცდილობს ხელისუფლების შენარჩუნებას. ამ პირობებში არ მესმის რატომ უნდა ვემზადოთ არჩევნებისთვის, ქვეყანაში შექმნილი უმძიმესი პირობების გათვალისწინებით, ვადამდელი საპარლამენტო არჩევნების დანიშვნის მოთხოვნა სრულიად ადეკვატურია“- განუცხადა ბობოხიძემ „ნიუპოსტს“.

უმცირესობის დეპუტატი აცხადებს, რომ „ნაციონალური მოძრაობის“ ინიციატივა ხელს არ უშლის მაჟორიტარული სისტემის გაუქმების მოთხოვნას, მეტიც ბობოხიძე იმედოვნებს, რომ ვადამდელი არჩევნების მოთხოვნას სხვა პოლიტიკური ძალებიც შემოუერთდებიან.

„ჩვენ არავის ვუშლით ხელს. პირიქით, ამ ფონზე გამოჩნდება ხელისუფლების მზაობა რამდენად არიან ისინი მზად არჩევნები პროპორციული სახით ჩაატაროს - იქნება ეს რიგითი თუ ურიგო“ - აღნიშნა ენმს წევრმა.

“ერთიანი ნაციონალური მოძრაობის” ინიციატივას საპარლამენტო უმრავლესობის წარმომადგენელი ზაქარია ქუცნაშვილი გამოეხმაურა.

ქუცნაშვილი დარწმუნებულია, რომ „ის ოპოზიციური ჯგუფები, რომლებიც მორალისგან შორს არ არიან, არცერთი არ დაიჭერს საქმეს „ნაციონალურ მოძრაობასთან“.

„ნაციონალური მოძრაობა“ ცდილობს, გახდეს მისაღები, მათ შორის ოპოზიციისთვის. ეძებს მიზეზებს, რომ მაკოორდინებელის ფუნქცია შეითავსოს. ეს პოლიტიკური ჯგუფი იმდენად დამძიმებულია თავისი დანაშაულებრივი წარსულით, რომ მათთან აპელირება საკუთარ მომავალზე უარის თქმას წარმოადგენს. „ნაციონალური მოძრაობის“ წარსული ვერ იქნება მაგალითი მომავლისათვის. მათი მართვის ფილოსოფია თავიდან ბოლომდე მორალისგან დაცლილი იყო“, – განაცხადა ზაქარია ქუცნაშვილმა.

არჩევნების საკონსტიტუციო ვადებში ჩატარების მომხრეა „თავისუფალი დემოკრატებიც“

„ხელისუფლების მშვიდობიანი გადაბარება უნდა მოხდეს, როგორც ეს 2012 წელს მოხდა“ - აღნიშნა მოძრაობის ერთ-ერთმა ლიდერმა მაია ფანჯიკიძემ.

„ახალი მემარკვენეების“ წევრი მამუკა კაციტაძეც იმ პოლიტიკოსთა რიგებშია, რომელისთვის ნაციონალური მოძრაობის ინიციატივა მიუღებელია.

„კონსოლიდირებულ ერთობაში სხვა საკითხების შემოტანა, მათ შორის რიგგარეშე არჩევნების ჩატარების დააზარეალებს ამ ძირითად თემას, რასაც საარჩევნო სისტემის ცვლილება ჰქვია და მას ჩვენთან ერთად ნაციონაოლური მოძრაობაც ითხოვს“,- აღნიშნა კაციტაძემ.

„ეროვნულ - დემოკრატიული მოძრაობის“ ლიდერისთვის ენმ-ს გუშინ გაჟღერებული ინიციატივა ერთგვარი სიურპრიზიც აღმოჩნდა.

როგორც ბაჩუკი ქარდავამ „ნიუპოსტს“ განუცხადა, დღეს მოქმედი საარჩევნო სისტემით მეტი ბერკეტი ხელისუფლებას აქვს.

"გინდა ვადამდელი დაარჩქვით და გინდა საკონსტიტუიციო ვადებში ჩატარდეს საპარლამენტო არჩევნები, თუ არ შეიცვალა საარჩევნო სისტემა ხელისუფლება შეძლებს მანიპულირების მოხდენას და არჩევნების შედეგების თავის სასიკეთოდ შეცვლას. პირველ რიგში საჭიროა მივიღოთ ისეთი საარჩევნო კანონმდებლობა, რომელიც ხელისუფლებას ზემოაღნიშნულ ბერკეტებს წაართმევს" - აღნიშნა ედპ-ს ლიდერმა.