მთავრობის კანცელარიაში დედაქალაქის მერს და ვიცე-მერს ელოდებიან. ინფორმაციას ტელეკოპანია "მაესტრო" ავრცელებს.

როგორც ცნობილია, ირაკლი ღარიბაშვილთან შეხვედრის მიზეზი მერიაში განვითარებული მოვლენები გახდა.

"ნიუპოსტმა" აღნიშნული ინფორმაცია მერიის პრესსამსახურში გადაამოწმა. მათი თქმით, გავრცელებული ინფორმაცია სიმართლეს არ შეესაბამება და თბილისის მერი ამ დროისთვის საკუთარ სამუშაო კაბინეტში იმყოფება.

შეგახსენებთ, მერიაში რამდენიმე საკადრო ცვლილება განხორციელდა. დღეს თანამდებობა მერიის ზედამხედველობის სამსახურის უფროსმა გეგი ნიჟარაძემ დატოვა. რამდენიმე დღის წინ კი თანამდებობა დატოვეს კეთილმოწყობის სამსახურის უფროსმა და სასწრაფო სამედიცინო დახმარების ცენტრის ხელმძღვანელმა.