საგარეო საქმეთა მინისტრი გიორგი კვირიკაშვილი უკანონოს ვერაფერს ხედავს იმაში, რომ პრეზიდენტის აშშ-ში ვიზიტის დროს ელჩი, არჩილ გეგეშიძე პრემიერთან ერთად იმყოფებოდა.

როგორც მთავრობის სხდომის დასრულების შემდეგ კვირიკაშვილმა განმარტა, ამაზე გადაწყვეტილება პრემიერმა მიიღო.

მინისტრის თქმით, ქვეყნის პირველი პირების აშშ-ში გამგზავრებამდე მან თენგიზ ფხალაძეს შესთავაზა, რომ გიორგი მარგველაშვილის ვიზიტი გადადებულიყო, რაზეც უარი მიიღო.

„ჩემი მინისტრად დანიშვნიდან რამდენიმე დღეში შეხვედრა მქონდა პრეზიდენტის მრჩეველთან თენგიზ ხმალაძესთან და მე მას შევთავაზე, რომ იქნებ მომხდარიყო ცალკე ვიზიტის დაგეგმვა პრეზიდენტის და ამ ვიზიტში მე მას მხარდაჭერა აღუთქვი. სამწუხაროდ, ეს ასე არ მოხდა და უკვე იმ მოცემულობაში როდესაც ეს ასე არ მოხდა ვთვლი, რომ კარგი იქნებოდა, რომ ელჩი გეგეშიძე ყოფილიყო ვაშინგტონში პრეზიდენტის ვიზიტის განმავლობაში. თუმცა გამომდინარე პრემიერის გრაფიკიდან, მთავრობის მეთაურთან კონსულტაციით მიღებული იქნა გადაწყვეტილება, რომ ელჩი დარჩენილიყო ნიუ-იორკში. ამაში უკანონობის დანახვაზე საუბარი გადამეტებულია. ამაში უკანონობა არაფერი არ ყოფილა“, - განაცხადა კვირიკაშვილმა.