„თავისუფალი დემოკრატების“ ერთ-ერთ ლიდერი მაია ფანჯიკიძე ეთანხმება პრეზიდნეტის განცხადებას, რომ ქვეყანაში მედიის თავისუფლება არ უნდა შეიზღუდოს.

ამის შესახებ ფანჯიკიძემ ჟურნალისტებთან საუბრისას განაცხადა.

„მე ვეთანხმები პრეზიდენტის განცხადებას. არავითარ შემთხვევაში არ შეიძლება მედიის შეზღუდვა ქვეყანაში, რომელსაც პრეტენზია აქვს დემოკრატიულობაზე. მედიაში ასეთი სახიფათო თამაში არავისთვის არ დასრულებულა კარგად. ასე, რომ ჩვენ ყველამ უნდა დავიცვათ მედიის და სიტყვის თავისუფლება“, - განაცხადა მაია ფანჯიკიძემ.

შეგახსენებთ, პრეზიდენტმა ქვეყანაში მიმდინარე მოვლენებზე გუშინ გადაცემა „არჩევანის“ ეთერში ისაუბრა. მან კომენტარი „რუსთავი 2“-ის გარშემო მიმდინარე მოვლენებზეც გააკეთა და ქვეყანაში მედიის დამოუკიდებლობის აუცილებლობაზე ისაუბრა.