„ნაციონალური მოძრაობის“ წევრები პრეზიდენტისგან მკაფიო განცხადებებს ითხოვენ.

როგორც პარტიის წევრმა აკაკი მინაშვილმა განაცხადა, პრეზიდენტი კონსტიტუციის გარანტია და ის ვალდებულია დაიცვას სიტყვის თავისუფლება.

„მე ვისურვებდი, რომ საქართველოს პრეზიდენტს კიდევ უფრო მკაფიო განცხადებები ჰქონოდა, მათ შორის სასამართლოსთან მიმართებაში. ჩვენ ბოლო პერიოდში ვხედავთ, რომ სასამართლო პირდაპირ არის გამოყენებული ხელისუფლების მიერ ოპონენტების ან თავისუფალი მედიის საწინააღმდეგოს. ამის მაგალითია „რუსთავი 2“, - განაცხადა აკაკი მინაშვილმა.

შეგახსენებთ, პრეზიდენტმა ქვეყანაში მიმდინარე მოვლენებზე გუშინ გადაცემა „არჩევანის“ ეთერში ისაუბრა. მან კომენტარი „რუსთავი 2“-ის გარშემო მიმდინარე მოვლენებზეც გააკეთა და ქვეყანაში მედიის დამოუკიდებლობის აუცილებლობაზე ისაუბრა.