პრემიერის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე არ ეთანხმება პრეზიდენტს, რომ საქართველო საერთაშორისო რადარებიდან გაქრა.

როგორც აბაშიძემ მთავრობის სხდომის დაწყებამდე განაცხადა, ბოლო დღეების განმავლობაში საქართველო აშშ-ის ყველა სივრცეში ძალიან აქტიურად გამოჩნდა.

"რამდენად წარმოჩინდა საქართველოს თემა ბოლო ხანს გაეროში, ვაშინგტონში და ზოგადად, მემგონი აბსოლუტურად ნათელი პასუხია ამის თაობაზე. რამდენიმე გამოსვლა ჰქონდა პრემიერს გენერალურ ასამბლეაზე, იყო ორმხრივი შეხვედრები გაეროში, პრეზიდენტსაც ჰქონდა მრავალი შეხვედრა. ამიტომ, ვფიქრობ საქართველო ძალიან აქტიურად გამოჩნდა ამ დღეებში ამერიკის შეერთებული შტატების აბსოლუტურად ყველა სივრცეში“, - განაცხადა აბაშიძემ.