საქართველოს პრეზიდენტის თქმით, წინასწარი პატიმრობის ბოროტად გამოყენებასთან დაკავშირებით რეზოლუცია ევროსაბჭომ მძიმე რეზოლუცია მიიღო.

ამის შესახებ გიორგი მარგველაშვილმა გადაცემა „არჩევანში“ განაცხადა.

მისი თქმით, ევროპელი კოლეგების ყველა შენიშვნა უნდა იყოს საფუძველი შესაბამისი ქმედებებისათვის.

„ეს არის მძიმე რეზოლუცია, არ უნდა გავექცეთ რეალობას. თვალი უნდა გავუსწოროთ იმას, რომ საპარლამენტო ასამბლეამ მძიმე რეზოლუცია მიიღო. ეს ხდება იმ პოლიტიკური სახელმწიფოებრივი კოალიციის მიერ, რომელსაც ჰქვია ევროპა. მინდა ხაზი გაუსვა იმას, რომ ჩვენი პოლიტიკური გეზი ევროპისკენ არის მიმართული. ამას ემსახურება არაერთი რეფორმა, რომელიც ხორციელდება საქართველოში. ევროპა არის ოჯახთან ერთობა, სადაც საქართველო მიისწრაფვის. ქართველი ხალხის შეკვეთაა, რომ ჩვენი ინტეგრაცია გავაღრმავოთ ევროპასთან. ყველა ჩვენთაგანი საკუთარ ქვეყანას ევროკავშირის ნაწილად ხედავს. შესაბამისად, როდესაც ევროპელების რაიმე კომენტარი გვესმის ჩვენზე, ჩვენ უნდა აღვიქვათ, როგორც კომენტარი მეგობრების. ასეთი კომენტარი უნდა იყოს საფუძველი შესაბამისი ქმედებებისათვის. საინტერესოა, რომ ამ რეზოლუციაში განხილული საკითხებისას, ერთში გვაქვს წარმატება. გასაოცარია, როგორ ვერ მიიტანეს ქართველმა დეპუტატებმა ევროპელ კოლეგებამდე ის უმნიშვნელოვანესი ფაქტი, რომ საქართველოში ცოტა ხნის წინ წინასწარ პატიმრობასთან დაკავშირებით საკონსტიტუციო სასამართლომ მიიღო გადაწყვეტილება“, - განაცხადა მარგველაშვილმა.