დაიწყება თუ არა ოპოზიციაში კონსულტაციები ვადამდელი არჩევნების გარშემო?

პოლიტიკა - 21:23, 05 Oct, 2015

1509

ბიძინა ივანიშვილის რეზიდენციასთან „ერთიანი ნაციონალური მოძრაობის“ ლიდერებმა ოპოზიციურ პარტიებთან კონსულტაციები დააანონსეს, რომელის მიზანიც მთავრობის გადადგომისა და ვადამდელი საპარლამენტო არჩევნების მოთხოვნა იქნება:

ენმ-ს წევრის გოკა გაბაშვილის განცხადებით, თუ არ მოხდა ბიძინა ივანიშვილის რეჟიმის შეჩერება, ქვეყნის განვითარება სწორ გზას ათწლეულებით აცდება:

„თუ ჩვენ მივცემთ უფლებას, რომ ბიძინა ივანიშვილმა დაამყაროს იმ ტიპის რეჟიმი, რომლისკენაც მიდის და რომელის სახეც არის პოლიტიკური ოპოინენტების დაჭერა და ციხეში ჩაყრა. ამით ჩვენ ათწლეულებით დავკარგავთ შანსს იმისა, რომ ქვეყანა სწორი განვითარების გზით წავიდეს. ამიტომ ჩვენი გადაწყვეტილება არის ძალიან მყარი. დღეს ჩვენ აქ მოვედით იმისთვის რომ ამ ადამიანს ვუთხრათ, რომ ამას ის ვერ მოახერხებს.“- განაცხადა გოკა გაბაშვილმა.

„ნაციონალური მოძრაობის“ საგარეო მდივნის გიგა ბოკერიას თქმით, ივანიშვილის რეჟიმს წერტილი უნდა დაესვას და ამ მიზნის გამო ყველა პოლიტიკური ძალა უნდა გაერთიანდეს:

„ყველა პოლიტიკური ძალა, რომელიც არ უზის ჯიბეში ივანიშვილს, უნდა გაერთიანდეს ვადამდელი არჩევნების მოთხოვნით. დროა შევიკრიბოთ უფრო მასშტაბურად. წერტილი უნდა დავუსვათ ამ კაცს , თორემ ის საქართველოს გადაჩეხავს.“- განაცხადა გიგა ბოკერიამ