უმრავლესობის წევრი ნუკრი ქანთარია უმცირესობას კანონის დაცვისკენ მოუწოდებს.

ბიუროს სხდომაზე ქანთარიამ „რუსთავი 2“-ის მხარდამჭერ აქციაზე დაკავებულთათვის პატიმრობის შეფარდების საკითხზე კომენტარი გააკეთა.

მან მომხდარზე პასუხისმგებლობა „ნაციონალური მოძრაობის“ წევრებს დააკისრა.

"თუ თქვენ შემდგომში გააგრძელებთ თქვენ მხარდამჭერებზე ასე საზიანოდ მოქმედებას, ეს არავითარ შემთხევევაში არ დამთვრდება არც თქვენთვის კარგად. მოგიწოდებთ იარეთ კანონის ზღვარზე. როგორც კი გადაუხვევთ კანონს, დარწმუნებული იყავით, რომ ბევრი თქვენთაგანი და თქვნი მომხრეები მოინახულებენ თავის ძველ მეგობრებს მატროსოვზე", - განაცხადა ქანთარიამ.