ფეხბურთის ფედერაციის პრეზიდენტი ლევან კობიაშვილი მუშაობას ახალ თანამდებობაზე დღეიდან შეუდგა.

როგორც ფედერაციაში მისვლის დროს კობიაშვილმა ჟურნალისტებთან საუბრისას განაცხადა, მისთვის მიმდინარე კვირა მნიშვნელოვანია. იგი ფეხბურთის ფედერაციის ყველა თანამშრომელს დღეს შეხვდება.

„დღევანდელი დღე არა მარტო ჩემთვის, არამედ ქართული ფეხბურთისთვის არის ბედნიერი დღე. მინდა მადლობა გადავუხადო ყველას, ვინც ამდენი ხნის განმავლობაში გვერდით მედგა. უდიდესი პასუხისმგებლობაა, რომ იყო ფეხბურთის ფედერაციის პრეზიდენტი. ძალიან ბევრი ადამიანია ფედერაციაში, ვინც თავის საქმეს აკეთებდა და არიან პროფესიონალები. მოხარული ვარ, რომ მათთან ერთად მომიწევს მუშაობა“, - განაცხადა კობიაშვილმა.