ხვალ პარლამენტში დიპლომატიურ კორპუსთან ოპოზიციური პარტიების ერთობლივი შეხვედრა გაიმართება

პოლიტიკა - 16:56, 04 Oct, 2015

1480

5 ოქტომბერს, თბილისის პარლამენტის რესპუბლიკის დარბაზში ოპოზიციური პოლიტიკური პარტიები სქართველოში აკრედიტირებულ დიპლომატიურ კორპუსსა და საერთაშორისო არასამთავრობო ორგანიზაციებთან შეხვედრას გამართავენ. საპარლამენტო ოპოზიციიდან შეხვედრას ესწრებიან ,,თავისუფალი დემოკრატები“ და ,,ნაციონალური მოძრაობის“ წევრები, ხოლო არასაპარლამენტო ოპოზიციიდან ,,ახალი მემრაჯვენეები“, ,,ეროვნულ-დემოკრატიული პარტია“, ,,თავისუფალი საქართველო“, ,,სამოქალაქო ალიანსი თავისუფლებისთვის“, ,,დემოკრატიული მოძრაობა“, ,,ევროპელი დემოკრატების“, ,,ლეიბორისტული პარტიისა“ და სხვა არასაპარლამენტო ოპოზიციის წარმომადგენლები.

შეხვედრის მთავარი თემა, რომელსაც ოპოზიციური პარტიები დიპლომატებს და საერთაოშიროს ორგანიზაციებს წარუდგენენ, არის საარჩევნო სისტემის ცივლიებასთან დაკავშირებული საკითხები, რომელზეც ოპოზიციამ და არასამთავრობო სექტორმა, პრეზიდენტის ადმინისტრაციასთან ერთად შეთანხმებას მიაღწიეს. ოპოზიციური ლიდერები აცხადებენ, რომ ისინი დიპლომატებს გააცნობენ საარჩევნო კანონმდებლობაში შესატან ყველა იმ ცვლილებას, რომლის გათვალისწინებასაც ისინი ხელისუფლებისგან იხოვენ და რაც მნიშვნელოვანია არჩევნების დემოკრატიულ და სამართლიან გარემოში ჩატარებისთვის. კერძოდ საქმე ეხება მაჟორიტარული სისტემის გაუქმებას და არჩევნების პროპორციული წესით ჩატარებას, რაზეც ხელისუფლბამ უარი განაცხადა. მმართველი ძალა ამბობს, რომ ცვლილებებს მხოლოდ 2016 წლის შემდეგ გაატარებს.