,,ქართული კვაზიდემოკრატია და ჩვენ“ - ნესტან კირთაძე ,,რუსთავი 2“-თან დაკავშირებულ მოვლენებზე

სოც.მედია - 16:16, 02 Oct, 2015

2781

,,ხელისუფლება და მისი პოლიტიკურ გუნდი დამარცხდა ევროპულ მოედანზე... ხელისუფლება დამარცხდა ლიდერ ტელეკომპანიასთან და ოპოზიციურ აზრთან“ - ასე ეხმაურება ,,ქართულ-აფხაზური და ოსური ევროპული საერთაშორისო მოძრაობის” პრეზიდენტი, პროფესორი ნესტან კირთაძე ,,რუსთავი 2“-ის გარშემო განვითარებულ მოვლენებს.

,,ტელეკომპანია რუსთავი 2-ის გარშემო განვითარებული მოვლენები აწ უკვე თანამდევი ლაიტმოტივი იქნება ყველა იმ პოლიტიკური პროცესისა, რაც საქართველოში ყოვლდღიურად განვითარდება.

განვითარდება, როგორც რეალობა, როგორც გამოწვევა, როგორც ტესტი, და როგორც თაობათა პასუხიმგებლობა საქართველოს დამოუკიდებლობაზე, თავისუფლებაზე, დემოკრატიაზე და ყველა იმ ღირებულებაზე, რომელთა ერთობლიობა სახელმწიფოსთვის სასიცოცხლო სივრცეს ქმნის.

ქართული კვაზიდემოკრატიის ამ ეტაპზე , მოდით მეტი პასუხიმგებლობით შევხედოთ თუნდაც გუშინდელ დღეს, როდესაც საქართველოს ხელისუფლება რამდენიმე საათის განმავლობაში 2-ჯერ დამარცხდა.

ერთი საკუთარ , და მეორე , ევროპულ მოედანზე.

დიახ, გუშინ ხელისუფლება დამარცხდა ქართულ ლიდერ სატელევიზიო კომპანიასთან და ოპზიციურ აზრთან;

დამარცხდა სიტყვის თავისუფლებასთან და საკუთარ ხალხთან;

გუშინ, საქართველოს ხელისუფლება და მისი პოლიტიკურ გუნდი დამარცხდა ევროპულ მოედანზე, როგრც არადემოკრატიული და არაპროფესიონალი პოლიტიკური ძალა, რომელსაც საკუთარ პოლიტიკურ ოჯახშიც ( ევროპელი სოციალისტები) მხარდამჭერი არ გამოუჩნდა.

ეს არ არის ემოციების, მით უფრო ყალბი ემოციების ან სანახაობის თემა.

ეს არ არის ხელისუფლების და მისი მომხრეების თემა, მხოლოდ, რომელიც თავისუფლებისა , დამოუკიდებლობის, დემოკრატიის, ადამიანის უფლებების თავის არაპროფესიონალურ და პროვინციულ სტანდარტებს ამკვიდრებს და მართვადი დემოკრატიით ლაღობს.

ეს არც პოლიტიკური ოპოზიციის თემაა მხოლოდ,

ეს ხალხის, საზოგადოების მთავარი თემა და პასუხისმგებლობაა.

ვფიქრობ, ამ პასუხისმგებლობით მოხდება აზრისა და მოქმედების კონსოლიდაცია..“ - წერს ნესტან კირთაძე.