დეპუტატ ირმა ნადირაშვილის ინფორმაციით, იმისთვის, რომ პარლამენტის სხდომა ჩაშლილიყო რეგისტრაცია ვიცე-სპიკერმაც კი არ გაიარა.

ამის შესახებ ნადირაშვილი სოციალურ ქსელში წერს.

"სხდომის წამყვანმა ძიძიგურმაც კი არ გაიარა რეგისტრაცია. სამი მცდელობა, სხდომა გახსნილიყო, უშედეგოდ დამთავრდა. დარბაზში მყოფი უმრავლეოსობის წევრები სპეციალურად არ გადიოდნენ რეგისტრაციას. გასაგებია, მათ ეშიანიათ პარლამენტში რუსთავი 2 ის საკითხის განხილვის. გარწმუნებთ, რომ ამ საკითხის პარლამენტის გარეთ გადაწყვეტა ივანიშვილისთვის კიდევ უფრო საშიში იქნება", - წერს ნადირაშვილი.

შეგახსენებთ, ქვორუმის არარსებობის გამო პარლამენტის სხდომა ჩაიშალა. ვიცე სპიკერმა ზვიად ძიძიგურმა გამოაცხადა, რომ დეპუტატები რეგისტრაციას ახლიდან 15 წუთში გაივლიდნენ, თუმცა სხდომა 15 წუთში აღარ ჩატარდა. ცნობილია გახდა, რომ პარლამენტი რეგისტრაციის გასავლელად 16:00 საათზე შეიკრიბება.