პარლამენტის ბიუროს სხდომაზე ტელეკომპანია „რუსთავი 2“-ის გარშემო მიმდინარე პროცესებზე არ იმსჯელებენ. ამის შესახებ გადაწყვეტილება დეპუტატებმა ცოტა ხნის წინ მიიღეს. ინიციატივა სხდომაზე „ნაციონალურმა მოძრაობამ“ გააჟღერა.

ბიუროს უარის მიზეზი რეგლამენტით დადგენილი პროცედურის დაცვა გახდა.

"ნაციონალური მოძრაობის" წინადადება "რუსთავი 2"-თან დაკავშირებით მსჯელობის გამართვის თაობაზე პარლამენტში დღეს დარეგისტრირდა და შესაბამისი საკითხი სხდომის დღის წესრიგში ჩასმის თაობაზე ბიუროს არ წარდგენია“, - განაცხადა ძიძიგურმა.

აღნიშნული საკითხის განხილვისას დეპუტატებს შორის დაპირისპირებაც მოხდა. ერთმანეთს სიტყვიერად ზვიად ძიძიგური და სერგო რატიანი დაუპირისპირდნენ.