საკრებულოს ფრაქცია „ნაციონალური მოძრაობის“ ინფორმაციით, შესაძლოა მერიის ეკოლოგიის სამსახურის ხელმძღვანელი ბიძინა გიორგობიანი სამსახურიდან გაათავისუფლონ.

ოპოზიცია ასევე განათლების, სპორტისა და ახალგაზრდულ საქმეთა საქალაქო სამსახურის გიორგი არეშიძის თანამდებობიდან წასვლას ელოდება.

„თბილისის მთავრობაში ღრმა კრიზისია. ჩვენ ვართ იმის მოწმე, რომ ამ წუთებში თბილისის მთავრობაში რიგ თანამდებობებზე არ არიან ხელმძრვანელი პირები. ეს არის ვაკის გამგეობა, ეკონომიკური პოლიტიკის სამსახური, არქიტექტორის სამსახური. ასევე ვრცელდება ხმები, რომ ერთ-ერთი მოადგილე თბილისის მერის, გიორგი სოლომონია აპირებს თანამდებობის დატოვებას“, - განაცხადა სევდია უგრეხელიძემ.

შეგახსენებთ, ორი დღის წინ კეთილმოწყობის სამსახურის უფროსმა ავთანდილ სუდაძემ თანამდებობა დატოვა. ვრცელდებოდა ინფორმაცია დავით ნარმანიას მოადგილის გიორგი სოლომონიას სამსახურიდან წასვლის შესახებ, თუმცა ეს ინფორმაცია მერიამ არ დაადასტურა.