პარლამენტის საფინანსო-საბიუჯეტო კომიტეტის თავმჯდომარე თამაზ მეჭიაური მიიჩნევს, რომ „რუსთავი 2“-ის გარშემო მიმდინარე დავა ორ სუბიექტს შორის მიმდინარეობს და ამაში სახელმწიფო არ უნდა ჩაერიოს.

ამის შესახებ მეჭიაურმა ტელეკომპანიის გარშემო მიმდინარე პროცესების კომენტირებისას განაცხადა.

„ეს არის შიდა დავა, ყოფილი და ახლანდელი მოწილეები ერთმანეთში დაობენ, სახელმწიფო ამაში არ უნდა ჩაერიოს. შეიძლება ხშირ შემთხვევაში ამა თუ იმ სასამართლოს გადაწყვეტილება ჩემთვისაც არ არის მოსაწონი, მაგრამ ეს არ მაძლევს იმის თქმის უფლებას, რომ სასამართლოს პატიოსნებაში ეჭვი შევიტანო“, - განაცხადა თამაზ მეჭიაურმა.