სამი წელი პირველი კრიტიკიდან - ,,თუ არ უნდა მთავრობას, გვითხრას და გვეცოდინება მაინც“

სოც.მედია - 12:24, 02 Oct, 2015

1956

,,საქართველოს საზოგადოებრივ საქმეთა ინსტიტუტის“ (GIPA) პროფესორი, ექსპერტი თორნიკე შარაშენიძე სამი წლის წინ, ახალი ხელისუფლებისადმი ნატოს გენერალური მდივნის მხრიდან გამოთქმულ კრიტიკას იხსენებს, რომელსაც ხელისუფლების წარმომადგენლებმა ქვეყნის შიდა საქმეში ჩარება უწოდეს.

,,2012 წლის არჩევნებიდან მალე ახალი ხელისუფლების მისამართით პირველი კრიტიკა როცა გაისმა (ნატოს გენერალური მდივნის მხრიდან) ჩემდა გასაკვირად ოცნების ერთმა არატიპიურმა წევრმა (გამოცდილმა და სერიოზულმა დიპლომატმა) ნატო "საქართველოს შიდა საქმეებში ჩარევაში" დაადანაშაულა.

ერთი ცნობილი ჟურნალისტის გადაცემაში ვიყავი სტუმრად (იმის მერე მგონი აღარც მივუწვევივარ) და მან მკითხა არის თუ არა ეს ჩვენს შიდა საქმეებში ჩარევაო.

ამაზე მარტივი პასუხი გავეცი: თუკი ჩვენ გვინდა ნატოსა და ევროპაში მაშინ მათი კრიტიკა უნდა მივიღოთ და შიდა საქმეებში ჩარევად არ უნდა მოვნათლოთ-მეთქი. როგორც მახსოვს, ეს ჩვენ გვინდა მათთან და არა პირიქით-მეთქი.

ოღონდ, აი თუკი არ გვინდა მათთან ბარემ დღესვე ვთქვათ-მეთქი.

სიტყვა "ჩვენ" გულისხმობდა მთავრობას და საზოგადოებას, მაშინ ასე ვლაპარაკობდი...

იმ პირველი კრიტიკიდან და იმ გადაცემიდან სამი წელია გასული და ახლა გავნმეორდები:

თუ არ უნდა მთავრობას, გვითხრას და გვეცოდინება მაინც.

გვითხარით, ბატონებო და ქალბატონებო, ნუ დაგვტანჯეთ...“ - წერს შარაშენიძე.