საკრებულოს ფრაქცია „ნაციონალური მოძრაობის“ წევრები დღევანდელ რიგგარეშე სხდომაზე თბილისის მერის მისვლას ითხოვენ.

როგორც ოპოზიციის წარმომადგენლები ამბობენ, ნარმანიას მისამართით ბევრი კითხვა არსებობს, რომელზეც პასუხი უნდა გასცეს დედაქალაქის მერმა.

მათ შორის, კითხვები უკავშირდება თბილისში არსებულ საცობებს და მათი გადაჭრის გზებს. ასევე ოპოზიცია ინტერესდება, რატომ არიან მერიაში თანამდებობაზე ის პირები, რომელთა დანიშნვაც და კორუფციული საქმიანობის შესახებ არსებული ინფორმაცია გარკვეულ კითხვებს აჩენს.

„ნაციონალურ მოძრაობას“ დავით ნარმანიასთან კითხვები აქვს ასევე კეთილმოწყობის სამსახურის უფროსის ავთანდილ სუდაძის თანამდებობიდან გადადგომასთან დაკავშირებით.