„რუსთავი 2“-ის გენერალურმა დირექტორმა ნიკა გვარამიამ კიდევ ერთხელ განმარტა ის მიზეზი რის გამოც ინვესტორს ეძებდნენ.

როგორც „არჩევანში“ გვარამიამ განაცხადა, ამის მიზეზი ტელეკომპანიისთვის ფინანსური ვალდებულების აკრძალვა იყო.

„ფინანსურ ვალდებულების აღება აკრძალული გვაქვს, ამიტომ მეორე გზა იყო ინვესტიცია. შემოწირულობა არასერიოზული თემაა თან ჩვენი ხარჯების მქონე ორგანიზაციაში. ამის გამო დავიწყეთ ინვესტორზე ფიქრი. ჩვენ ვიპოვეთ დავით კეზერაშვილის ცოლის ძმა ინვესტორად, საუბარი იყო 6 მილიონზე რომელსაც ის ჩადებდა. ეს ძალიან კარგი საინვესტიციო პირობა იყო. ძალიან რისკიანი ინვესტიცია და მან ეს გადაწყვეტილება თავად მიიღო. ეს გარიგებაც ზარალია მაგრამ მაინც. დამფუძნებლებს ნახევარი მილიონი დოლარი მიჰქონდათ, 6 მილიონი "რუსთავი 2"-ში ყველანაირი ვალდებულებების გარეშე მოდიოდა", - განაცხადა ნიკა გვარამიამ.