"მაესტროზე", დებატებიდან ჩემი კანდიდატურა მოიხსნა

"მაესტროზე", დებატებიდან ჩემი კანდიდატურა მოიხსნა - ბურჭულაძე

სოც.მედია - 21:18, 01 Oct, 2015

1418

"დემოკრატიული განვითარების ეროვნული ცენტრის" თავმჯდომარე მუხრან ბურჭულაძე ტელეკომპანია "მაესტროზე" იყო მიწვეული, სადაც დისკუსია ქვეყანაში განვიტარებულ მოვლენებზე უნდა ყოფილიყო.როგორც ბურჭულაძე წერს მისი კანდიდატურა დებატებიდან მოიხსნა.
"ახლა იმ ქვეყნის შვილი მოგმართავთ სადაც "არავის უსმენენ და დევნიან, სადაც მართლმსაჯულების, ბიზნესის თუ სიტყვის თავისუფლების ხარისხი ზენიტშია, სადაც მედიაზე ზეწოლა მხოლოდ მითია და რომელი ქვეყნის ხალხიც დღითი-დღე ბედნიერდება"...
დღეს მიწვეული ვიყავი TV მაესტროს ეთერში სადაც დისკუსია ქვეყნის მდგომარეობას ეთმობა. ვაპირებდი თითოეული ჩვენგანის საერთო სატკივარზე და პრობლემების გადაჭრის გზებზე საუბარს, რომ საჯაროდ ამეხსნა ფარდა, გამეკეთებინა დაჭაობეული და უპერსპექტივო სისტემის პრეზენტაცია, მესაუბრა იმ გამოწვევებზე, რომელსაც გაცილებით გრძელი ისტორია აქვს, ვიდრე სამი ხუთი ან ათი წელია და რომლის წინაშეც კვლავ ვდგავართ. სამწუხაროდ იზოლირებული და დახლეჩილი საზოგადოების წარმომადგენლები საუბრობენ პრობლემებზე მხოლოდ მაშინ, როდესაც ეს მათ პირადად ეხებათ. მედიის თავისუფლება იყო არის და რჩება ერთ-ერთ უმთავრეს გამოწვევად. მსურდა თითოეული ჩვენი მოქალაქის წუხილი გამომეთქვა და ქართული სახელმწიფოს შენების პერსპექტივებზე მესაუბრა. მთელი გულით მინდოდა ერთი იდეისა და მიზნის გარშემო გაერთიანებისკენ, რევანშისა და კინკლაობის, თანამშრომლობით ჩანაცვლებისკენ მომეწოდებინა და პოზიტივი შემეტანა პოლიტიკურ სპექტრსა და ჩვენ მოქალაქეებში, მაგრამ...
ეს წუთია შემატყობინეს, რომ ჩემი კანდიდატურა დებატიდან მოიხსნა აუხსნელი და ჩემთვის უცნობი მიზეზით.
ეს ფაქტია თავად ყველაფრის პასუხი.
მინდა გაგამხნევოთ მეგობრებო და გითხრათ, რომ უსუსური წინაღობა მხოლოდ ძალას და შემართებას მმატებს.
წინ გარდაუვალი გამარჯვებაა!", - წერს მუხრან ბურჭულაძე.