საქართველოს პრემიერმინისტრი ირაკლი ღარიბაშვილი გაეროში სიტყვით გამოსვლიას ქვეყანაში გატარებულ რეფორმებზე ისაუბრა.

მისი თქმით, საქართველო დაცულია ადამიანის უფლებები და დემოკრატიულ ღირებულებები.

„საქართველო პატარა ქვეყანაა, რომელსაც აქვს დიდი გული, რომელსაც დიდი ოცნებები აქვს და ეს ვითარდება სწორი მიმართულებით. ჩვენი ხედვა სწორია და მომავალი სუფთაა. მსოფლიო ბანკის ანგარიშის მიხედვით, რომელიც საქართველოს მთავრობის შესახებ სიის სათავეში იყო ექვსივე ინდიკატორის მიხედვით. ეს პროგრესი ხაზს უსვამს მონდომებას ჩვენი მთავრობისა, რომ გააძლიეროს კანონის ძალა, გააძლიეროს ეკონომიკა და განავითაროს ქვეყანა. რამდენიმე წლის წინ საქართველო განცალკევებული ქვეყანა იყო, რომელსაც ჰქონდა დანგრეული ეკონომიკა. ჩვენ ახალ თავს ვწერთ ერის ისტორიაში. საქართველო დინამიური ქვეყანაა. შემდეგ წელს ჩვენ დამოუკიდებლობის მოპოვებიდან 25 წელს ავღნიშნავთ. თავისუფლება და სამართლიანობა ჩვენი ხალხის სისხლში ჩქეფს. ჩვენ ვიცავთ ადამიანის უფლებებს და დემოკრატიულ ღირებულებებს. ჩვენ ვაგრძელებთ რეფორმებს, რომელიც ერთადერთი გზაა ჩვენი ქვეყნის განვითარებისთვის. ჩვენ სწრაფად ვსწავლობთ და ვითვისებთ საერთაშორისო თანამშრომლობის სულისკვეთებას“, - განაცხადა პრემიერმა.

ირაკლი ღარიბაშვილმა პირობა დადო, რომ საქართველოში განვითარდება დემოკრატია და სამუშაო ბაზარი.

„ჩვენ მივაღწიეთ მთავარ მიზანს - ჩვენ ხელი მოვაწერეთ ასოცირების შესახებ ხელშეკრულებას ევროპასთან. ჩვენმა მთავრობამ წინსვლა განიცადა ყველა პოლიტიკურ ნაწილში. ჩვენ ასევე ვუზრუნველყობთ სოციალური უსაფრთხოების ბადით მოსახლეობას, გვაქვს ეროვნული ჯანდაცვის რეფორმა, რომლითაც გადავარჩენთ ათასობით სიცოცხლეს და დავძლევთ C ჰეპატიტს. ჩვენი ხალხი იმსახურებს ძლიერ დემოკრატიას და პასუხისმგებლიან მთავრობას. ჩვენ შევქმენით მთავრობის სისტემა რომელიც უფრო ღია, გამჭვირვალე და ანგარიშვალდებულია ხალხის წინაშე. ამაზე არ გავჩერდებით და უფრო მეტი გაკეთდება“, - განაცხადა პრემიერმა.