„რუსთავი 2“-ის გენერალური დირექტორი ნიკა გვარამია ხელისუფლებას ტელეკომპანიაზე ზეწოლაში ადანაშაულებს.

როგორც საგანგებო ბრიფინგზე გვარამიამ განაცხადა, საქალაქო სასამართლოს დღევანდელი გადაწყვეტილებით ხელისუფლებამ „რუსთავი 2“-ს ყველა ბერკეტი ჩაუკეტა იმისთვის, რომ მან ნორმალური ფუნქციონირება განაგრძოს.

„ხელისუფლებამ თავისი გადაწყვეტილებით „რუსთავი 2“ დახურა. არ მოგატყუოთ იმან, რასაც ტელეეკრანებზე ხედავთ. ის, რომ მაუწყებლობას ვაგრძელებთ არ ნიშნავს იმას, რომ ხელისუფლება ყველაფერს არ აკეთებს, რომ მაუწყებლობა შევწყვიტო. დღეს როგორც არასდროს ახლოს ვართ მაუწყებლობის შეწყვეტასთან. ფინანსური არხები გადაკეტილი გვაქვს, რომელსაც ვიყენებდით ალტერნატივის შემთხვევაში. ტელევიზია არის კონსიგნაციური ბიზნესი. ის როდესაც სარეკლამო დროს ყიდის რამდენიმე თვის შემდეგ აქვს შემოსავალი. ამ დროის განმავლობაში ჩვენთვის მნიშვნელოვანია საბანკო მომსახურება. ბუნებრივია, ყველა ვითარებაში ჩვენ ვიყენებდით ბანკს, როგორც დამხმარე ფინანსურ ინსტუტუციას, რის დახმარებითაც ტექნიკას ვყდილობდით, ასევე ვფარავდით ხელფასებს. იცით, რომ ხელისუფლებამ და მის მიერ წაქეზებულა ქიბარ ხალვაშმა ყველაფერი გააკეთეს, რომ ეს გზა ჩაეკეტათ ჩვენთვის და ამოგვაგდეს ჯანსაღი კონკურენციიდან. თუ ვინმეს ეჭვი ეპარებოდა, რომ ეს არის ხელისუფლების თამაში, დღეს ხელისუფლებამ ყველა ეს ეჭვი გაფანტა“, - განაცხადა გვარამიამ.